قصيدة للشاعر فيصل التميمي

في وسط ليلي الدافي ..

وأحساس من الهوى الصافي ..

كان الواقع مثل الحلوم ..

قليلة في وقتي الهموم ..

يوم ما كنت أنت جنبي ..

وأفديك بروحي ودمي ..

وكان رضاك كل همي ..

كنت انت كل دنياي ..

وكل الحب يا معناي ..

يا بوي ..

يا أحلى أسم نطقته شفاي ..

لما أقول وش الراي ..؟

تفز لي أوتارٍ عزفها قلبك ..

ولما أقول وين دواي ..؟

تداويني من جروح حبك ..

لما أحس أني مو بخير ..

وأن الدنيا صارت غير ..

وأن دروبي عكس السير ..

ياخذني أمان دربك ..

ويطمني حنان قلبك ..

وإن تاهت بي المسافة ..

وصارت اللحظة كلافة ..

وطوى حزني حسافة ..

تزدهر زهرة عطاك ..

وتلمح عيوني سماك ..

وتكبر حلومي في مساك ..

واليوم أنا صاير غريب ..

في دنيا ما فيها حبيب ..

العالم من بعدك ..

غدى حزنٍ رهيب ..

يبه وينك عن عيوني ..

يبه العالم يلوموني ..

يبه كيف سرقتك أيامي ..

وأنا سارقتني أحلامي ..

تركتك تضيع من أيدي..

وأنا واقف ولا بإيدي ..

سواك تموت قدامي ..

وينقطع بعدك وريدي ..

يبه ينشدك غلا سنيني ..

وتترجاك دموع عيني ..

وإذا مر يوم ما ذكرتك ..

أقول لأيامي خسرتيني ..

يبه وينك انا وويني ..؟

يبه اليتم طاويني ..

يبه أرجوك احويني ..

بعطف وحنان أنسان ..

استاحش بعدك هالمكان ..

يبه خان الكلام العبارة ..

وبكت عيوني بمرارة ..

والياس طال انتظاره ..

والحياه بعدك خسارة ..

يبه .. آه .. يبه ..

كيف القلب بعدك هاجر باراضيه ..؟

وكيف مات الوصل بين قلبي وغاليه ..؟

وكيف العمر عيا صمتك يناديه ..؟

يبه عيا قلبي يشيل الحزن ..

وينتهي جرحك يا زمن ..

وتذوب غربة هالوطن ..

يبة تعال ونور دنيتي ..

ورجع في أيامك بسمتي ..

وأفديك بروحي وجنتي ..

يبه ..

ليه عيا صوتي المبتور ..؟؟

يناديك والأمل مكسور ..

أرجع ..

وياليت الزمان يدور ..

وتسمع ..

ندا قلبٍ حفظ أسمك ..

ورسمك ..

سحابة نور ..

يبه..يا شايلٍ همي ..

عسى جنات الخلد لك دارٍ ..

تحفظك من شقاوي الجور